nechuropaithi chikitsaa ek behatrin tarikaa hai jiske dvaaraa anekon tarikon se prakriati chikitsaa snaan ke dvaaraa ham apne sharir men hone vaali bimaariyon v pareshaaniyon ko dur kar sakte hai.


Naturopathy snann kaise kare



kati-snaan -

thandaa kati - snaan, nyutral aur altarnet taapmaanon par kiyaa jaataa hai, jiske lia vishesh kati snaan tab ki jarurat padti hai.


thandaa kati snaan -

saamagri - 

kati snaan tab, mote kapade kaa ek tukadaa (rumaal ke aakaar kaa).

paani kaa taapmaan -

28 se 24 digri sentigred taapmaan vaalaa thandaa paani.

snaan ki avadhi -

jab tak koi avadhi naa bataai jaaa, tab tak 15 minat tak karnaa hi achchhaa hogaa.

vidhi -

tab main etni maatraa men thandaa paani bhare, jismen nitamb puri tarah dub jaaa aur marij ke tab men baith jaane par paani uski naabhi tak pahunch jaaa.

aamtaur par 4 se 6 gailan paani ki jarurat padti hai marij ko sardi lagne yaa mausam thandaa hone par, athvaa uske kamjor hone ki sthiti men thande kati snaan ke saath saath uske pairon kaa garm snaan karaanaa chaahia.

marij ko mote bhige hua kapade se naabhi ke gird apnaa pet baai or se daai or ko dhire dhire ragadnaa chaahia. yah prakriyaa snaan ki puri avadhi ke dauraan jaari rakhnaa chaahia. yah aavashyak hai ki taange pairon aur sharir kaa upri hissaa puri tarah sukhaa honaa chaahia tathaa snaan ke dauraan yaa eske baad bhignaa nahin chaahia.

tab men baithne se pahle jute pahan le. thande kati- snaan ke baad marij ko thodaa vyaayaam karnaa chaahia, jaise - tej gati se ghumnaa, yogaasan karnaa, sury namaskaar aadi. agar marij kamjor hai, to use kambal udhaa kar bistar men litaa denaa chaahia.

laabh -

thandaa katin - snaan karib - karib saari bimaariyon ke lia ek aam upchaar hai. es upchaar kaa uddeshy kabj, badahajmi, motaape se chhutkaaraa dilaanaa aur sharir ke angon ki suchaaru rup se kaam karne men madad karnaa hai.yah snaan garbhaashay sambandhi vikaaron, pelvik rijan ke angon men sujan, bavaasir, jigar aur tilli ki rakt sankultaa, chhote bachchon men mutr sambandhi aniyamittaaon, garbhaashay sambandhi puraane vikaaron, purasth granthi men rakt sankultaa,viry ki durbaltaa, purushon v mahilaaon men gurdon ki kamjori, naamardi, baanjhapan pet aur kolan ke badh jaane ki sthitiyon men bhi atyant upyogi hai.

chetaavni -

pelvik kshetr aur pet ke angon men sujan aur tantrikaaon ki durbaltaa tathaa mutraashay, malaashay yaa yuni men pidaadaayak sankuchan, kamar men nichlaa bhaag men dard hone par aur rojadharm ki avadhi, ulti, dast aur bukhaar, men yah snaan nahin karnaa chaahia.


n‍yutral‌ kati snaan -

saamagri -

sir ke lia thandaa lapet aur kati snaan tab.

paani kaa taapmaan -

32 se 36 digri sentigred tak.

snaan ki avadhi -

adhikatam 15 minat yaa usse kam, agar adhik samay tak karnaa chaahe to kisi visheshajy ki nigraani aavashyak hogi.

vidhi -

marij ko ek yaa do gilaas paani pinaa chaahia aur tab men baithakar pet ko gharshan se bachaanaa chaahia. sir par thandaa lapet rakhnaa chaahia. snaan yah baad thande paani kaa shaavar aur vyaayaam nahin karnaa chaahia. eske baad aadhaa ghante tak aaraam karne ki salaah di jaati hai.

laabh -

n‍yutral‌ kati snaan mutraashay aur mutr maarg, garbhaashay, dimbaashay v naaliyon ki sabhi tarah ki aur puraani sujan men aaraam dilaane men sahaayak hai। esse phailapi naliyo v andkosh men tantrikaaon ki durbaltaa tathaa yoni men uthne vaali pidaadaayak aithan, gurdaa aur yoni men khujli tathaa uttardaai avayvon men ati sanvedanshiltaa (haaeparasthisiyaa) ki sthiti se chhutkaaraa paane men madad milti hai. esse purushon v mahilaaon donon men erotomeniyaa (kaamonmaad) shaant hotaa hai, yah spamartariyaa kaa aadarsh upchaar hai.


garm kati snaan -

saamagri -

kati snaan tab, 1 thandaa lapet.

paani kaa taapmaan -

40 se 50 digri selsiyas.

snaan ki avadhi -

10 minat tak.

vidhi -

upchaar karaane se pahle marij ko ek yaa do gilaas thandaa paani pinaa chaahia. 40 digri sentigred taapmaan vaale paani se snaan shuru karnaa chaahia tathaa paani kaa taapmaan dhire dhire apekshit star tak badhaanaa chaahia. garm yaa thandaa paani milaakar es kaa taapmaan ek jaisaa rakhnaa chaahia. garm kati snaan karte samay, marij ko pet par phrikshan nahin karnaa chaahia. upchaar ke dauraan uske sir par thandaa lapet rakhnaa chaahia. eske baad marij ko ek yaa do minat tak thande paani se nahaanaa chaahia.

laabh -

garm kati snaan kaa estemaal roj dharm men hone vaale vilamb, pelvik kshetr ke avayvon men tathaa peshaab karte samay hone vaale dard, malaashay yaa mutr ki sujan athvaa bavaasir ki vajah se hone vaale dard ki paristhitiyon men kiyaa jaataa hai। yah purasth granthi ke badh jaane, mutraashay men pidaadaayak aithan yaa dard ki lahar, shiyaatikaa, dimbaashay aur mutraashay ki tantrikaaon ki kamjori, lambar spondilosis, etyaadi maamlon men bhi prbhaav kaari hai. tathaa esse roj dharm ke dauraan hone vaale dard se raahat paane men madad milti hai, lekin roj dharm ki avadhi ke dauraan yah snaan nahin karnaa chaahia.

chetaavni -

baar-baar uchch raktchaap rahne par kamjori aur bukhaar ki sthiti men yah snaan nahin karnaa chaahia.

saavdhaaniyaan -

es baat kaa puraa dhyaan rakhnaa chaahia ki marij ko snaan karne ke baad thand n lagne paaa, kyonki esse pratikul lakshan ubhar aate hain aur snaan ki upyogitaa khatm ho jaati hai. yadi marij ko ulti aaa, kamjori lage yaa atyadhik dard ho to es snaan ko turant band kar denaa chaahia.


prtiuttejak rivarsibal kati snaan (altarnetiv kati snaan) -

saamagri -

do kati snaan baath tab, ek thandaa lapet.

paani kaa taapmaan -

garm paani -

 40 se 45 digri selsiyas.

thandaa paani -

18 se 24 digri selsiyas.

vidhi -

yah snaan karne ke do tarike hain। donon hi tarikon men elaaj karaane se pahle 1 yaa 2 gilaas paani pinaa chaahia. sir par thandaa lapet rakhakar ese shital rakhnaa chaahia. eske ant men thandaa kati snaan karnaa chaahia.

(A) marij sabse pahle 5 minat tak garm paani ke tab men aur uske baat 5 minat tak thande paani ke tab men baithtaa hai. esse paachan tantr ke pairistelitak sanchalan men vriaddhi hoti hai tathaa kabj v gais se raahat milti hai. esmen gurde tathaa any jannaangon v mutr avayvon ki kriyaashiltaa bhi badhti hai esse sankraman ki vajah se hone vaali jalan kam hoti hai.

(B) altarnetiv hip snaan ke dusre tarike men marij ko garm paani ke tab men 3 minat tathaa thande paani ke tab men 1 minat bithaayaa jaataa hai. yah kriyaa 4-5 baar dauraani padti hai.

laabh -

yah snaan karne se gais yaa bhaari kabj ki vajah se hone vaali puraani dard se bhi chhutkaaraa mil jaataa hai. esse lamber spondilosis kaa dard bikam hotaa hai. yah snaan mutr sambandhi tathaa gurde men pathri jaise any vikaaron ke upchaar men sahaayak hai. esse pelvik rijan ke avayvon sailiphinjaaits, auphairetis aur selyulaaetis jaise avayvon men aur tantrikaaon ki durbaltaa ki vajah se kaaphi samay se bani hui sujan dur karne men tathaa jannaang mutriy avayvon ke haaipar esthisiyaa, shiyaatikaa, lumbaigo, aadi ke maamlon men bhi madad milti hai.


kuhne kaa phrikshan sitaj snaan (kati snaan) :-


yah snaan ling snaan ke rup men bhi suvidit hai.

saamagri -

kati snaan tab, es kaam ke lia vishesh rup se banaayaa gayaa ek stul, ek naram suti kapadaa.

paani kaa taapmaan -

thandaa paani, 18 se 24 digri selsayas.

Es  ki avadhi -

 2 se 10 minat tak.

vidhi -

kati snaan tab men es snaan ke lia vishesh rup se banaayaa gayaa stul rakhaa jaataa hai। es tab men thandaa paani bharaa jaataa hai tathaa stul kaa upri hissaa sukhaa chhod diyaa jaataa hai eske baad marij apne par baahar rakhakar stul par baithtaa hai. agar marij mahilaa hai to vah narm suti kapadaa paani paani men bhigokar apne jannaangon ko halke halke upar se niche ki or dhoti hai. yah aavashyak hai ki jannaang ko baahar baahar se hi dhonaa chaahia aur andruni avayvon ko binaa dhoa binaa chhua v chhede chhod denaa chaahia.

yadi marij purush hai to use apne shishan ke shiro bhaag par rakhnaa chaahia, jisse ki yah tab men paani ki satah ko chhu saken. eske baad marij ko naram kapade se tvchaa kaa pichhlaa siraa dhire-dhire saaph karnaa chaahia. daahine haath men pakadaa huaa kapadaa kisi bhi paristhiti men shishan ke agle bhaag (shishan mund) ko naa chhu paaa. dhyaan rahe ki snaan ke shighr baad halkaa vyaayaam karke sharir men punah garmaahat paidaa karni chaahiye.

laabh -

es upchaar se tantrikaa prnaali sakriy ho uthti hai, kyonki jannaangon ko kendriy tantrikaa prnaali kaa ek mahatvpurn kendr samjhaa jaataa hai। av saamaany (sab narmal) taapmaan men es naam se sharir men aavashyak garmi paidaa hoti hai।

sharir ke bhitar ki dushit garmi khatm ho jaati hai aur eske saath hi tantrikaa prnaali men sphurti kaa anubhav hotaa hai. snaan se sanvardhit shakti badh jaati hai.